АЗАНД ИТГЭДЭГ ЗАЛУУ СУГАЛААНААС 1 САЯ ДОЛЛАР ХОЖЖЭЭ

Америкийг Хойд Каролина мужид азанд итгэдэг залуу ээлжит удаагаа 20 долларын сугалаа худалдаж аваад 1 сая доллар хожсон тухай "UPI" сайт мэдээлсэн байна.

Их мөнгө хожсон Майкл Стронг нь "20-н долларын сугалаа надад ямагт аз авчирдаг гэдэгт итгэдэг болохоор тэр удаад ч азандаа итгээд 20 долларын сугалаа авсан. Би энэ сугалааны тасалбарыг өмнө нь 27 удаа авахад 26-д надад аз таарч байсан юм" гэжээ.

1 сая доллар хожсон сугалааг авах саналыг найз нар нь түүнд өгсөн гэнэ. Тэд Майклыг азанд итгэдэг, мухар сүсэгтэй гэж цаашлуулдаг байсан бөгөөд тэр удаад ч 20 доллараар ахиад сугалаа ав, аз дайрна гэж хэлсэн аж. Майкл Стронг нь хожсон мөнгөөрөө өрөө дарж, үлдсэнээр нь хөрөнгө оруулалт хийнэ гэсэн байна.

10 жилийн турш сугалаа авч нэг л янзын тоонуудаар бөглөдөг Мэрилэнд мужийн Боуи хотод амьдардаг 62 настай хүн энэ оны тавдугаар сард ээлжит удаагаа сугалаа авсан дасал болсон тоонуудаараа бөглөөд 50 мянган доллар хожсон тухай нэг сонин, хэвлэлүүд шуугиж байсан.