ТОЛГОЙГООРОО НИЙЛСЭН СИАМ ИХРҮҮДИЙГ САЛГАХ МЭС ЗАСАЛ АМЖИЛТТАЙ БОЛЖЭЭ

Лондоны эмнэлэгт толгойгоороо нийлж төрсөн сиам ихрүүдийг салгах тун хүнд цуврал мэс заслыг 100 гаруй эмч, сувилагч нар амжилттай хийж гүйцэтгэсэн талаар "BBC News" мэдээлж байна.

Пакистанд төрсөн Улла овогт Сафа ба Марва гэсэн хоёр ихэр охинд хийсэн хагалгаа тун хүнд байсныг эмч нар онцолжээ. Хагалгаа хийхийн өмнө орчин үеийн технологи ашиглан охидын толгойн гурван хэмжээнд хуулбар хийж маш нарийн судалсан байна. Анхлан 2018 оны аравдугаар сард охидуудад мэс засал хийхдээ тархи ба тараагуур судаснуудыг нь салгасан юм байна. Ахиад сарын дараа хураагуур судалснуудад нь хагалгаа хийж салгахад охидын бие нэг хэсэг мууджээ.

Гэвч аз болж ихрүүдийн бие удалгүй сайжирсан тул эмч нар толгойг нь салгах сүүлийн хагалгааг хийхээр зорилглосон нь ийнхүү амжилттай болжээ. Охидын өөрсдийнх нь ясыг ашиглан гавлыг нь нөхөн сэргээсэн аж. Одоо тэд Лондоны эмнэлэгт физик эмчилгээ хийлгэж байгаа бөгөөд дараа жил эх орондоо буцна.

Өндөр үнэтэй хагалгаа хийхийг мөнгийг Пакистаны нэгэн бизнесмен гаргасан байна. Охидод тохиолдсон гажуудал нь тун ховор, сиам ихрүүдийн ердөө 2-6 хувьд нь л тохиолддог. Ингээд зогсохгүй ийм ихрүүд гол төлөв нэг хоногоос илүү амьдардаггүй.

Үүний өмнө толгойгоороо нийлсэн Суринамын ихрүүд эмч нарын 10 жил л амьд явна гэсэн таамгийг эвдэн 18 нас хүрсэн тухай мэдээлэл гарч байсан.