ХЯТАДЫН ЗЭВСЭГТ ХҮЧИН ТАЙВАНЫ ОЙРОЛЦОО ХЭЭРИЙН СУРГУУЛИЛТ ЯВУУЛНА ГЭВ

БНХАУ-ын зэвсэгт хүчин ойрын өдрүүдэд Тайвань арлын ойролцоо цэргийн хээрийн сургуулилт явуулахаар болсон тухай Хятадын Батлан хамгаалах яамны хэвлэлийн албанаас мэдээлжээ.Тайвань арлын Засгийн газрын тэргүүн нь АНУ-д албан ёсны айлчлал хийж, АНУ нь тус аралд нийт 2 тэрбум гаруй долларын танк, пуужин худалдахаар болсноо албан ёсоор зарлаад байгаа. Иймд БНХАУ-ын хээрийн сургуулилт нь Тайвань ба Америкийн талд өгч байгаа сэрэмжлүүлэг гэж ойлгогдохоор.

Гэхдээ Хятадын Батлан хамгаалах яамны мэдэгдэлд "Хятадын Ардын чөлөөлөх арми нь ойрын өдрүүдэд өөрийн зүүн өмнөд эргийн дагуу далайн гадарга ба агаарын орон зайд цэргийн сургуулилт явуулна. Энэ бол зэвсэгт хүчний жилийн төлөвлөгөөний дагуу зохион байгуулж байгаа төлөвлөгөөт арга хэмжээ" гэж онцолжээ.Америкийн зүгээс Тайвань аралд их хэмжээний зэвсэг худалдах гэж байгааг БНХАУ нь эрс эсэргүүцсэн. БНХАУ-ын Гадаад харилцааны яам нь АНУ-ыг Тайванийг илэрхий дэмжиж байгаа нь галаар наадаж байгаатай адил осолтой гэж сэрэмжлүүлсэн.