​ХҮН МОД ХЭВИЙН АМЬДРАЛДАА ЭРГЭН ОРЛОО

Гар дээр нь олон тооны ургацаг гарсны улмаас "Хүн мод" гэж нэрлэгдээд байсан Израилийн Газахотын оршин суугч мэс засалд орсны дараа эргээд хэвийн амьдрах боломжтой болж байгаа тухай "Daily Mail" мэдээлж байна.

МахмудТалули нь 44 настай бөгөөд биеэр нь олон тооны ур ургаж, арьс нь модны холтостой адил болдог тун ховор эмгэгтэй хүн. Өвчний улмаас гэрээс гарч чадахгүй, олон арван жилийн турш хүчтэй өвдөлтийг тэсвэрлэн амьдарсаар иржээ.

Хэдэн жилийн өмнө Египетийн эмч нар түүнд гарыг нь мэс заслын хийх тайрахын санал болгоход тэрээр татгалзсан байдаг. 2017 онд эмч нар эхний удаа хагалгаа хийж Талулийн биеэр гарсан ургацагуудыг авсан ч төд удалгүй буцан ургасан байна. Үүний дараагаар ургацагууд ахин ургаж, улмаар гаж хэлбэрт шилжихээс сэргийлэхийн тулд илүү гүн авахаар шийдсэн нь ийнхүү амжилттай болжээ.Талули нь хагалгааны дараагаар "Энэ хагалгаа миний амьдралыг бүхлээр нь өөрчиллөө. Одоо би хүүхдүүдтэйгээ тоглож чаддаг болох нь" гэжээ.