​ЯПОНЫ ШАХАЛТААС ГАРАХЫН ТУЛД ОРОСТОЙ НАЙЗАЛНА

Өмнөд Солонгосын Ерөнхийлөгч Мун Жэ Ин улсынхаа хамгийн том 30 корпорацийн удирдлагуудтай уулзалт хийх үеэр Солонгос бизнесменүүд Японы хориг арга хэмжээний улмаас учирсан хохирлыг нөхөхийн тулд химийн аж үйлдвэрлэлийн салбарт Оростой илүү нягт хамтын ажиллагааг хөгжүүлэх ёстой гэж мэдэгджээ.

Япон нь долоодугаар сарын 1-ээс эхлэн хагас дамжуулагчийн үйлдвэрлэл, гажилтуудын дэлгэцийг хийхэд шаардлагатай материалуудыг Өмнөд Солонгос руу экспортлоход илүү хатуу хяналт тавьдаг болгосон. Үүнээс болоод онц шаардлагатай материалуудыг Солонгос руу гаргахын тулд тусгай зөвшөөрөл авах шаардлагатай болж байна. Тусгай зөвшөөрөл гэдэг нь нэмэлт зардал бас хугацаа алдсан хэрэг болно. Энэ байдал нь "Samsung" зэрэг корпорацуудын үйл ажиллагаанд сөргөөр нөлөөлж болзошгүй болжээ.

Зургаадугаар сард Орос ба Өмнөд Солонгосын Гадаад харилцааны сайд нар уулзаж, хоёр улсын хооронд чөлөөт худалдааны бүс байгуулах талаар хэлэлцээр хийхээр тохиролцсон юм. Мөн шинжлэх ухаан, технологи, мэдээллийн харилцаа холбооны салбарт хамтын ажиллагаагаа өргөжүүлэх талаар ярилцсан байна.