​ЭМЧ НАР УДАХГҮЙ ГЭЖ ОНОШИЛСОН СИАМЫН ИХРҮҮД 18 ХҮРЭВ

Толгойгоороо нийлж төрсөн Сиамын ихрүүд 18 нас хүрсэн тухай "Daily Mail" сонин мэдээлжээ. Эмч нар ихрүүдийг үзлэг хийгээд дээд тал нь 10 жил амьдарна гэж хэлж байсан аж.

Нив ба Нелли гэдэг ихрүүд 18 жилийн тэртээ Суринам арал дээр төрсөн. Тэр хоёрын гавлын яснууд нь нийлж ургасан ч толгой, их бие нь тусдаа төрсөн. Ийм гажуудалтай ихрүүд тун ховор төрдөг, төрлөө ч удаан насалдаггүй юм байна.

Ихрүүдийн эцэг эх нь мэс засал хийлгэн нийлсэн гавлыг салгахын хүссэн ч амин чухал артерийн судас нь төрөлхийн нийлмэл тул салгавал хоёул амиа алдана гэсэн тул хийлгээгүй аж. Эмчийн байнгын хяналтад байх ёстой тул ихрүүдийн эцэг, эх нь Суринамаас нүүж Нидерландад суурьшжээ. Ихрүүд нэгнээ зөвхөн толинд харах боломжтой ч мэс засал хийлгэн салахыг хүсдэггүй. Тэд Сиамын ихрүүд ч бусдаас ялгаагүй баялаг дотоод ертөнцтэй бие даасан хувь хүмүүс гэдгийг харуулахын тулд "YouTube" дээр өөрийн гэсэн суваг нээж, "Instagram" тусгай хуудас нээн хөтөлдөг.