​МЕГАН МАРКЛ ГҮНЖИЙГ "ХАР ДАРСАНТ ЗҮҮД" ГЭВ

Британийн Харри хунтайжийн гэргий Меган Маркл гүнж Уимблдоны теннисийн тэмцээнийг үзэхээр ирэхдээ хатан хааны гэр бүлийн хүмүүсийн заавал өмсөх ёстой хувцасны хатуудаг жаягийг зөрчсөн тухай "The Times" сонин мэдээлж байна.

Британичууд, Британийн хэвлэл мэдээллийн хэрэгслүүд нь хатан хаан түүний гэр бүлтэй холбоотой бүхэнд туйлан хүндэтгэлтэй ханддагтай зэрэгцээд хатан хааны гэр бүлийнхэн олон зууныг дамжсан нарийн дэг жаягийг хэрхэн дагаж мөрдөж байгааг анхааралтай ажигладаг. Сүүлийн үед Харри хунтайжийн гэргий Меган Маркл энэхүү нарийн дэг жаягийг олон удаа зөрчиж, дураар авирлаж байгааг хэвлэл мэдээллийн хэрэгслүүд нь соргогоор ажиглан хүчтэй шүүмжилдэг болоод байгаа юм.

Меган Маркл нь Уимблдоны тэмцээнийг үзэхээр ирэхдээ зохих ёсоор хувцаслан, хатаны хааны гэр бүлийнхний суудлаас үзэх ёстой байсан. Гэтэл Меган нь бариу жинс, цагаан пиджак, хар цамцтай ирсэн тул зохион байгуулагчид нь түүнийг хатаны хааны гэр бүлийн суудалд руу оруулаагүй аж. Иймд тэрээр тусгай зөвшөөрөлтэй ордог суудлаас тэмцээн үзэхдээ зохион байгуулагчдад хандан зургийг нь хэн ч дарах ёсгүй гэж тушаал буулган тэднийг ихэд эвгүй байдалд оруулсан гэнэ. Ийм ёс бус авир гаргасан Меган Марклыг тэмцээний зохион байгуулагчид хатан хааны гэр бүлийн нэр хүндийг үл тоосон, "хар дарсан зүүд" гэж тодорхойлжээ.

Үүнээс өмнө Меган Маркл нь хатан хааны гэр бүлийн эмэгтэйчүүд заавал биеийн өнгөтэй шилэн оймс өмсдөг байх дэгийг зөрчин олон нийтийн арга хэмжээнд нүцгэн хөлөө харуулаад ихэд шүүмжлүүлж байсан юм.