​ТӨСВИЙН ХӨРӨНГӨӨР ТУЙЛСАН САЙДЫГ ШҮҮМЖИЛЖЭЭ

Францын Тогтвортой хөгжил, эрчим хүчний сайд Франсуа де Рюжи нь төсвийн мөнгөөр тансаг зоогийн газар найз нөхдөө удаа дараалан дайлсан явдлыг эрэн сурвалжлах сэтгүүл зүйн чиглэлийн "Mediapart" сайт баримттайгаар илчлэн олны хүртээл болгожээ.

Сайд нь Франын парламентын доод танхим буюу Үндэсний хурлын тэргүүний албыг 2017-2018 онуудад хашиж байхдаа ийнхүү төсвийн мөнгөөр туйлсан байна. Энэ хугацаанд ФрансуадеРюжи нь гэргийн намт найз нөхдөдөө зориулан арваас цөөнгүй удаа хүлээн авалт зохион байгуулж. Арга хэмжээг үнэтэй зочид буудалд, үнэтэй хоол унд захиалан хийлгэсэн байсныг сэтгүүлчид илрүүлж баримтжуулжээ. Тухайлбал, тус бүр нь 500 еврогийн үнэтэй 2001 оны "Chateau Cheval Blanc" дарсаар найзуудаа дайлсан. Гэтэл парламентын ордны хонгилд хадгалагдаж байдаг эдгээр дарсыг хэрэглэхийн тулд тусгай зөвшөөрөл авах хэрэгтэй байдаг юм байна.

Сайдаас энэхүү үрэлгэн байдлын талаар асуухад "Иргэний нийгмийн төлөөлөл болсон хүмүүстэй албан бүс нөхцөлд уулзаж ярилцах нь Үндэсний хурлын тэргүүлэгчийн нэг үүрэг" гэж хариулсан байна. Гэтэл иргэний нийгмийн төлөөлөлтэй уулзах ямар ч шаардлага байхгүй Гэгэн Валентины баярын өдөр гэх мэт өдрүүдээр хүлээн авалт хийж байсныг сэтгүүлчид олж мэдсэн.

Гэвч Франсуа де Рюжи сайд буруугаа хүлээгээгүй бөгөөд сэтгүүлчид дэгсдүүлж байна, хүлээн авалтад найз нөхдөө уриагүй гээд "Уригдсан хүмүүсийн заримыг нь таньдаг, заримыг нь мэддэггүй. Тэдний хэн нь ч манай найз нар биш. Хүлээн авалтын үеэр Үндэсний хурлын үйл ажиллагааны талаар л ярилцсан. Би энэхүү дайралтыг хүлээн зөвшөөрөхгүй, бидэнд хийсэн гэм байхгүй тул өөрийгөө болон эхнэрээ хамгаалах болно" гэжээ. Харин сайдын эхнэр нь "Ирсэн хүмүүс найзын хүрээнд багтаж байсан ч ярианы үеэр зөвхөн улс төрийн сэдвийг л хөндсөн" гэсэн тайлбар өгчээ.

Сайд эхнэрийн хамтаар жилийн хугацаанд 100 мянган еврогоор тансагласан юм байна.