ЛИВИЙН НИЙСЛЭЛИЙН ТӨЛӨӨХ БАЙЛДААНД МЯНГА ГАРУЙ ХҮН ҮРЭГДЭЭД БАЙНА

Ливийн нийслэл Триполийн орчимд дөрөвдүгээр сараас эхлэн явагдаж байгаа байлдааны үеэр хамгийн цөөөндөө 1048 хүн алагдаж, 5,5 мянган хүн шархадсан тухай Дэлхийн эрүүл мэндийн байгууллагын Ливи дэх салбар өөрийн Twitter хуудсандаа мэдэгджээ.

Долоодугаар сарын 3-нд Ливийн Үндэсний армийн байлдааны онгоц Триполи хотыг бөмбөгдсөний улмаас дүрвэгсдийн хуаранд орогноод байсан 40 хүн амиа алдаж, 80 хүн шархадсан байна.

Ливид 2011 онд иргэний дайн дэгдсэн бөгөөд 1969 оноос хойш удирдаж байсан Муаммар Каддафи дайны үеэр алагдсан төр эргэсэн. Гэвч үүний дараагаар Ливид хүсэн хүлээж байсан ардчилсан үйл явц огт өрнөөгүй. Ливи нь де факто нэгдмэл улс байхаа больж, цэргийн янз бүрийн бүлэглэлүүдийн мэдлийн бүсүүдэд хуваагдсан. Эднээс Триполи хотыг хянаж байгаа Үндэсний эв нэгдлийн Засгийн газрыг нь Өрнөдийн орнууд хүлээн зөвшөөрсөн байдаг. Энэ Засгийн газрын гол өрсөлдөгч нь Тобрук хотод төвтэй Хафтараар маршалаар удирдуулсан зэвсэгт хүчин. Сүүлийн хэдэн сарын турш Хафтарын хүчин нь Саудын Аравиас зэвсэг, техникийн ихээхэн дэмжлэг авч Триполийг эзлэхээр ажиллагаа явуулж байгаа юм.