АМЕРИК ДЭЛХИЙН ХУДАЛДААНЫ БАЙГУУЛЛАГАД ГОМДОЛ ГАРГАЖЭЭ

Энэтхэгийн зүгээс бараа бүтээгдэхүүнд нь нэмэлт татвар ногдуулж байгааг АНУ цаашид тэвчихгүй тухайгаа мэдэгдсэн байна. АНУ-ын Ерөнхийлөгч Трамп өөрийн "Twitter" хуудсандаа "Америкийн бүтээгдэхүүнүүдэд нэмэлт татвар ногдуулах тал дээр Энэтхэг нь урт хугацааны турш дураар дургисан. Үүний цаашид тэвчих аргагүй боллоо" гэжээ. Улмаар АНУ нь Дэлхийн худалдааны байгууллагад хандан Энэтхэгийг эсрэг гомдол гаргасан байна. Тус гомдолд Энэтхэгийн зүгээс 2018 оны зургаадугаар сараас эхлээд 2019 оны зургаадугаар сар хүртэл Америкийн олон төрлийн бараанд ногдуулсан нэмэлт татварыг Дэлхийн худалдааны байгууллагаас 1994 онд гаргасан Татварын хэмжээ ба худалдааны тухай Ерөнхий тохиролцоого зөрчсөн гэж үзээд цуцлуулахыг шаардсан байна.

Харин Энэтхэг нь Дэлхийн худалдааны байгууллагы гаргасан хариу арга хэмжээний дагууд татвар ногдуулсан болохоор буруугүй гэж мэдэгджээ.

Америк руу экспортлон оруулж байгаа бүх улс, түүний дотор Энэтхэгийн хөнгөн цагаан ба ганд өнгөрсөн оны гуравдугаар сараас эхлэн 25 ба 10 хувийн тус тус нэмэлт татвар ногдуулдаг болсон. Үүний хариуд Европын холбоо нь Америкт үйлдвэрлэсэн зарим бүтээгдэхүүнд нийт 2,8 тэрбум долларын нэмэлт татвар ногдуулахаар болсон. Харин Энэтхэг нь Америкаас импортлодог олон тооны хүнсний бүтээгдэхүүнд 60 хувь хүртэлх нэмэлт татвар ногдуулахаар болсон юм.