ӨМНӨД СОЛОНГОС ХОЙД ХӨРШИЙНХӨӨ ЭСРЭГ ХОРИГИЙГ ЗӨРЧӨӨГҮЙ

Өмнөд Солонгосыг БНАСАУ-ын эсрэг авсан хоригийг хатуу мөрдөөгүй гэх Японы мэдэгдлийг Өмнөд Солонгосын Аж үйлдвэрлэл, эрчим хүчний сайд үгүйсгэсэн тухай "Yonhap" агентлаг мэдээлж байна. Сайд Сун Юн Мо "НҮБ-ын хориг арга хэмжээ авсан улс орнуудад, түүний дотор Хойд СолонгостЯпоноос оруулж ирдэг устөрөгчийн фторидуудыгнийлүүлэгдэж байсан гэх нотолгоог бид олсонгүй" гэжээ.

Япон нь хагас дамжуулагч ба янз бүрийн ухаалаг төхөөрөмжийн дэлгэц үйлдвэрлэхэд шаардлагатай гурван төрлийн материалын экспортыг илүү хатуу хяналттай болгосон юм. Энэ талаар Японы Ерөнхий сайд Шинзо Абэ нь Өмнөд Солонгосхориг арга хэмжээг хатуу мөрдөхөд анхаарахгүй байгаа тул Японоос тус улсад нийлүүлж байгаа зарим чухал материал БНАСАУ-д очсон байж магадгүй гэсэн утгатай зүйл ярьсан. Японы эрх баригч Либерал ардчилсан намын Ерөнхий нарийн бичгийн орлогч Коити Хагиуда "Эдгээр материалуудын хүрэх эцсийн цэгийг бид мэдэхгүй байх тохиолдлууд бий тул ийм арга хэмжээ авах нь зүйн хэрэг гэж бодож байна" гэжээ.

2018 Өмнөд Солонгосын дээд шүүх Дэлхийн хоёрдугаар дайны үеэд албадлагаар ажиллаж байсан дөрвөн солонгос хүнд Японы "Nippon Steel & Sumitomo Metal" компани их хэмжээний нөхөн төлбөр өгөх ёстой гэсэн шийдвэр гаргасны дараагаар хоёр улсын харилцаа муудэж эхэлсэн. Япон Засгийн газар нь дэлхийн хоёрдугаар дайны нөхөн төлбөртэй холбоотой асуудлуудыг хоёр талын харилцаа хэвийн болж эхэлсэн 1965 онд эцэслэн шийдвэрлэсэн гээд шийдвэрийг биелүүлэхээс татгалзсан юм. Хариуд нь Өмнөд Солонгос "Nippon Steel & Sumitomo Metal" компаний активуудыг хураах ажлыг эхлүүлсэн.