ВЬЕТНАМЫН ГАНГИЙН ИМПОРТОД 400 ГАРУЙ ХУВИЙН ТАТВАР НОГДУУЛАВ

АНУ-ын Худалдааны яам нь Вьетнамын зарим компанийг гаалийн хураамж төлөлгүйгээр бүтээгдэхүүн импортлон оруулж байна гэж үзээд тус улсаас гаралтай ган төмөрт 400 хувийн татвар ногдуулахаар болсон тухай "Bloomberg" мэдээлэв.Америкийн Худалдааны яамны мэдээлж байгаачлан Өмнөд Солонгос ба Тайваньд үйлдвэрлэсэн элэгдэлд тэсвэртэй ба хүйтэн цувимал гангялихгүй нэмэлт боловсруулалт хийхээр Вьетнамд нийлүүлж, дараа нь вьетнам ган гэсэн нэрээр гаалийн нэмэлт хураамж төлөлгүй Америк руу оруулдаг байсан байна. Ингэж гаалийн татвараас зайлсхийсэн вьетнам гангийн гаалийн татварыг 456,23 хувь болгожээ.АНУ ба БНХАУ-ын хооронд дэгдээд байгаа худалдааны дайнаас хамгийн их хожиж байгаа улсуудын нэг болох Вьетнамын эсрэг Вашингтон зүгээс шүүмжлэлтэй мэдэгдэл олныг хийх болсон. Тухайлбал, Ерөнхийлөгч Трамп нь Вьетнамыг Америкаас олгосон худалдааны давуу эрхийг хэтрүүлэн ашиглаж байна гэж буруутгасан юм.Вьетнамын тал хариуд нь АНУ-тай хийж худалдааны тэнцлийн ашигаа багасгах тал дээр ажиллаж байгаа, гаалийн татвараас зайлсхийхийн тулд бүтээгдэхүүнээ Вьетнамаар дамжуулан Америк руу нийлүүлж байгаа хятад компаниудтай тэмцээд эхэлсэн гэж мэдэгджээ.АНУ ба Вьетнамын худалдааны тэнцэл нь Вьетнамын талд 39,5 тэрбум долларын ашигтай болоод байгаа нь 1990 оноос хойших хамгийн өндөр үзүүлэлт.