​ТРАМПААС АМЛАЛТАА БИЕЛҮҮЛЭХИЙГ ШААРДАВ

АНУ-ын Ерөхийлөгч Дональд Трампыг Их хорийн чуулга уулзалтын үеэр өгсөн амлалтаа биелүүлж, "Huawei" корпорацийн эсрэг хориг арга хэмжээ авахаа зогсоохыг Хятадын тал шаарджээ. БНХАУ-ын Арилжааны сайд Гао Фэн "Осака дахь "G20"-ийн чуулга уулзалтын үеэр хэвлэл бага хурал дээр Америк нь өөрийн компаниуддаа "Huawei"-д бүтээгдэхүүн худалдахыг зөвшөөрнө гэсэн Трампын мэдэгдлийг бид анхааралдаа авсан. АНУ нь амлалтаа биелүүлж, алдаатай арга хэмжээ авахаа нэн яаралтай зогсоон Хятадын компаниудад дарамт шахалт үзүүлэхээ зогсооно гэдэгт бид найдаж байна" гэжээ.

Хоёр улсын худалдааны талаар Гао Фэн хэлэхдээ "Хоёр талын эрх ашгийг адил тэгш үндсэн дээр тооцон нэгнээ харилцан хүндэлж хэлэлцээр хийх ёстой гэдгийг бид ямагт хэлсээр байх болно. Хэрэв бид тохиролцоонд хүрч чадвал, тэр тохиролцоо нь Бээжингийн дургүйцлийн гол шалтгааныг арилгахтай зэрэгцээд БНХАУ-ын ч тэр, АНУ-ын ч тэр байр суурийг адил тэгш тооцон үзсэн байх ёстой" гэсэн байна.

АНУ-ын Ерөнхийлөгч нь Осакад болсон Их хорийн чуулга уулзалтын үеэр БНХАУ-ын тэргүүлэгч Си Жинпиньтэй хийсэн уулзалтын дараа "Huawei" компанийг америк бүтээгдэхүүн худалдан авахыг нь зөвшөөрнө гэж мэдэгдсэн юм. Мөн үндэсний аюулгүй байдлыг хангах асуудлаар Хятадын удирдагчтай ярилцаад "Huawei"-г хар жагсаалтаас гаргах асуудлыг ойрын өдрүүдэд авч хэлэлцэнэ гэж байсан. Гэвч дараа нь хориг арга хэмжээг зогсоох тухай шийдвэр нь Америкийн бүх компаниудад хамаарахгүй бөгөөд үг дуугүй цагаатгасан хэрэг биш гэдгийг Цагаан ордон тайлбарласан юм.