ФРАНЦАД АЛБАН ТУШААЛГҮЙ БОЛСОН ТӨРИЙН АЛБАН ХААГЧИД 30 ЖИЛИЙН ТҮР ЦАЛИН АВЧ БАЙЖЭЭ

Францын Номин эрэг дагуух нутгийн төрийн албанд ажиллаж байсан зарим ажилтан 30 жилийн өмнө татан буугдсан албан тушаалынхаа цалинг авсаар байсан тухай "Ouest France" мэдээлжээ. Тус бүс нутгийн дэд бүтцийн зарим салбарыг 30 жилийн өмнө хувьчилсны дараа олон хүнажилгүй болсон атлаа боловсон хүчний албаны буруугаас болж сар болгон цалин авдаг байсныг аудитын шалгалтаар илрүүлжээ. Энэ хугацаанд ямар ч ажил хийгээгүй атлаа сар болгон төрөөс 457-оос 2468 еврогийн авч байсан 32 хүнд улсын төсвөөс 22 сая евро төлсөн байж.

Энэ хугацаанд хийгээгүй ажлынхаа төлөө цалин авч байсан хүмүүсийн зарим нь хувьдаа зоогийн газар нээн ажиллуулж ч төрөөс тогтмол цалин авсаар байсан аж. Францын хуулиар төрийн албан хаагч нь хувиараа бизнес эрхлэхийг хориглодог.

Ерөнхийлөгч Эмманюэль Макрон сонгогдсон даруйдаа төсвийн ажилтнуудын орон тоог 20 хувиар цомхотгохоор шийдсэнээ зарлаж байсан юм. Гэвч энэ шийдвэр нь францчуудын дургүйцлийг ихэд хүргэсэн. Төсвийн ажилтнуудын дунд цомхотгол явуулахаас татгалзах нь Францын эсэргүүцэлийн жагсаалыг санаачлагч "шар хантаазтан"-уудын үндсэн шаардлагын нэг нь юм.