ИТАЛИ МАЯГИЙН ЗОЧЛОМТГОЙ ЗАН ЯМАР БАЙДГИЙГ ПУТИНД ХАРУУЛНА

Италийн Ерөнхий сайд Жузеппе Конте пүрэв гарагт Италид айлчлах Оросын Ерөнхийлөгч Путиныг халуун дотно угтан авахаар бэлдсэн тухайгаа "ТАСС" агентлагийн сурвалжлагчид ярьжээ.

Тэрээр "Ерөнхийлөгч Путинд намайг угтаж авсантай адил зочломтогой зангаар хариу барих боломж надад гарч байна. Өнгөрсөн оны аравдугаар сард намайг Москвад тун дотно хүлээн авсан. Хоёр талын харилцаа, түүнийг өргөжүүлэх боломжийн талаар ярилцах боложтой болж байна. Үүнээс гадна ажил хэрэгч хүмүүстэй уулзах боломж гарах бөгөөд тэдэнтэй ч хамтын ажиллагаагаа бэхжүүлэх талаар ярилцах боломжтой. Бид хоёр Бээжинд "Нэг бүс нэг зам" форум дээр уулзаж байсан. Саяхан Хорийн чуулга уулзалтын үеэр Осакад ч уулзсан. Тэр болгонд уулзалт болгон маш найрсаг болж байсан" гэжээ.

Цаашлаад Оросын эсрэг аваад байгаа хориг арга хэмжээний талаар "Европ дахь шийдвэр гаргах одоогийн бүтцийн хүрээнд Итали улс дангаараа явах нь Оросд ч ашиггүй тул бид үр бүтээлтэй харилцан яриа үүсгэхэд бүх талуудыг татан оролцуулахаар ажиллаж байна" гэжээ.