ХЯТАДАД ДЭЛХИЙН ХАМГИЙН ТОМ НИСЭХ БУУДЛЫГ БАРЬЖ ДУУСЛАА

Бээжин хотноо дэлхийн хамгийн том нисэх буудад болох Дасины барилгын ажлыг дуусаад байгаа тухай тус хотын удирдлага мэдэгджээ. Оросын "РИА Новости" агентлагт нисэх буудлын барилгын төслийн удирдагч Ли Жанхуа ярихдаа Дасин бол нисэх буудал төдийгүй Хятаддаа хамгийн томд тооцогдох ачаа тээврийн төв, түүний барихад 400 тэрбум орчим юанийн хөрөнгө оруулалт хийсэн гэжээ.

Нэг сая дөрвөлжин километр талбайтай, "Алтан шувуу" хэлбэртэй ганцхан терминал бүхий энэ нисэх буудлыг есдүгээр сарын 30-нд, БНХАУ байгуулагдсаны 70 жилийн ойн өмнө ашиглатад бүрэн оруулах юм байна. Төслийн явц, хэрэгжилтийг Си Жинпинь тэргүүлэгч өөрөө хянаж байгаа аж.

Дасин нисэх буудал нь Бээжингийн төвөөс өмнө зүгт 46 км-ийн зайтай байрладаг. Дэлхийн хамгийн том нисэх буудлуудын нэг Шоудугийн ачааллыг хагаслах зорилгоор Дасин нисэх буудлыг хотын төвөөс ингэж хол байршуулсан байна. Энэ хоёр нисэх буудлын хооронд 67 км зайтай болно. Дасин нисэх буудлын шав тавих ёслол 2014 оны арванхоёрдугаар сарын 26-нд явагдаж, барилгын ажил 2016 оны гурвадугаар сарын 15-нд эхэлж байжээ.