СИРИЙН 6,2 САЯ ДҮРВЭГЧ ХИЛИЙН ЧАНАДАД ОРОГНОЖ БАЙНА

Сирийн хууль ёсны Засгийн газрын арми ОХУ-ын тусгай хүчний дэмжлэгтэйгээр тус улсын газар нутгийнаа дийлэнхийг алан хядагчдаас чөлөөлөөд байгаа. Үүнтэй холбоотойгоор хилийн чанад руу дүрвэн гарсан олон сая дүрвэгсдийг эх оронд нь буцаах асуудал хурцаар тавигдах болсон. Үүнтэй холбоотойгоор НҮБ-ын Дүрвэгсдийн хэрэг хариуцсан Ерөнхий коммисарын удирдах газар ажилтан Мохамед Амин Авад Абубакир "ТАСС" агентлагт ярихдаа 2019 оны эхний дөрвөн сарын байдлаар Иордани, Ливан, Ирак, Турк, Египет зэрэг улсаас 25 мянган 476 сири дүрвэгч эх орондоо буцсан гэж хэлжээ. Харин 2018 онд 50 мянга 066, 2017 онд 50 мянга 896 дүрвэгч эх орондоо буцсан байна. Мөн Сирийн нутаг дотор шилжин суурьшсан 1,4 сая хүн гэр орондоо харьжээ.

Ийнхүү дүрвэгчид цөөнгүй тоогоор нутаг буцаж байгаа хэдий хилийн чанад руу дүрвэн гарсан 6,2 сая сири хүн нутагтаа буцаагүй хэвээр байгааг Мохамед Амин Авад Абубакир онцолжээ. Эдгээр дүрвэгсдийн ердөө 10 хүрэхгүй хувь нь дүрвэгсдэд зориулсан албан ёсны төвүүдэд амьдарч байгаа бол бусад нь хот суурин газрууд ба дур мэдэн байгуулсан суурингуудад байгаа аж.