АФГАНИСТАНД БОЛСОН ДЭЛБЭРЭЛТИЙН ХАРИУЦЛАГЫГ ТАЛИБАН ХӨДӨЛГӨӨН ХҮЛЭЭНЭ

Даваа гарагт Афганистаны нийслэл Кабулд дэлбэрэлт болж, 100 гаруй хүн хохирсон аймшигт хэрэг гарчээ. Энэхүү алан хядах ажиллагааны хариуцлагыг "Талибан" хөдөлгөөн хүлээж байгаа тухайгаа албан ёсоор зарласан гэж "TOLONews" суваг мэдээлж байна.

Дэлбэрэлт Афганистаны нийслэл дэх дипломат хороололд болсон байна. Дэлбэрэлт болсон газраас холгүй Афганистаны Үндэсний аюулгүй байдлын яамны барилга байдаг аж.

Алан хядах ажиллагаанд оролцсон хоёр талиб дэлбэрэлтийн дараагаар ойролцоох барилгад бүгж, тусгай албаныхантай буудалцан устгагджээ.

Гэвч сүүлд ирж байгаа мэдээгээр дэлбэрэлтийн хариуцлагыг "Лалын улс" бүлэглэл үйлдсэн гэж мэдэгдсэн байна. Гэхдээ "Лалын улс" бүлэглэл нь Сирид ялагдал хүлээж байгаа ч эгнээндээ шинэ хүн элсүүлэх, ивээн тэтгэгчдээсээ хөрөнгө, дэмжлэг үргэлжлүүлэн авахын тулд дэлхийн хэмжээнд алан хядах ажиллагаа явуулдаг хүчирхэг гэж харагдахыг хүсдэг бөгөөд үүний тулд дэлхийн олон газар болсон дэлбэрэлт, алан хядах ажиллагааг өөрсдийгөө үйлдсэн гэж зарлах гэдэг.