​2018 ОНД ӨМНӨД СОЛОНГОСЫН КОМПАНИУДЫН ХИЛИЙН ЧАНАДААС АВСАН РОЯЛТИ 1,3 ИХ НАЯД ВОН ХҮРЧЭЭ

2018 онд Өмнөд Солонгосын холдинг компаниудын хилийн чанад дахь салбаруудын авсан роялти нь 1,3 их наяд вон буюу 1,12 тэрбум долларт хүрсэн тухай "Yonhap News" мэдээлж байна. Энэ нь 2017 оныхоос даруй 18,7 хувиар өссөн үзүүлэлт юм.Тухайлбал, өөрийн барааны тэмдгийн ашиглуулсны төлөө хамгийн их төлбөр авсан компани "LG Electronics" болсон бөгөөд энэ компани 268,4 тэрбум воны роялти авсан. Цаашлаад, "SK Group" — 234,5 тэрбум вон, "Hanhwa Group" — 153 тэрбум вон,"Lotte Group" — 133 тэрбум вонын роялти тус тус авсан байна. Эднээс "Lotte Group"-ын 2018 онд авсан роялти нь 2017 он авч байсан 24 тэрбум воноос 133 тэрбумд хүрч 329,6 хувиар өссөн аж."Samsung Electronics" компани нь холдинг компани биш тул хилийн чанад дахь 12 салбараасаа роялти хэлбэрээр нэмэлт орлого олсон. Үүнд: "Samsung C&T Corporation"–ийн роялти 6 тэрбум вон,"Samsung Electronics"–ийн роялти 2,3 млрд вон,"Samsung Life Insurance" 800 сая вон болжээ.Роялти нь патент, зохиогчийн эрх, худалдааны тэмдэг, байгалийн баялаг зэрэг өмчийг ашигласны төлөө өгдөг лицензийн төлбөр.