​НАРАН ШАРЛАГЫН ГАЗРААС 1 САЯ ФУНТЫН ҮНЭТЭЙ ЦАГАА ДЭЭРЭМДҮҮЛЖЭЭ

Испанийн Ибица арал дээр наран шарлагийн газар зугаалж явсан Азербайжаны жуулчин эр 1 сая фунтын үнэтэй бугуйн цагаа дээрэмдүүлсэн тухай Английн "Daily Mail" сонинд мэдээлсэн байна. Нэг сая фунтын бугуйн цаг тэр бүр алдагдаад байдаггүй тул ийнхүү хэвлэл мэдээллийн хэрэгслүүдийн анхаарлыг татсан аж.Дээрэмчин этгээд Азербайжан эрийг хэд хэдэн удаа цохиод "Richard Mille 50-03 McLaren F1" гэдэг цагийг нь булаан авч оджээ. Ибица хотын дэргэдэх далайн эргийн дагуу өдрийн цагаар зугаалж байгаад ийм хэрэгт өртсөн гэдгийг "Daily Mail" онцолжээ.

"Richard Mille 50-03 McLaren F1" бугуйн цаг нь дэлхийн хамгийн үнэтэй цагнуудын нэг. Энэ цагны их биеийг нүүрсэн пластикаар, доторх эд ангийг нэн хатуу титанаар үйлдсэн тул маш бат бөхийн дээр 40 грамм орчим хөнгөн. Тус цагийг бүтээсэн хүмүүс нь "Формула-1"-ийн "McLaren" багийн машинуудыг төгс хэв янзыг харж сэдэвчилсэн тул нэрэнд нь "McLaren F1" гэж оруулсан өгсөн. Хамгийн гол нь энэ цагийг ердөө 75 ширэхийг гар аргаар хийн худалдаанд гаргасан тул нэн ховор. Үнэтэй цаг цуглуулдаг баячууд түүнийг авч цуглуулгандаа нэгтгэх гэж хөл алддаг аж.