ТРАМП ИРАНЫГ СҮРДҮҮЛЭВ

АНУ-ын Ерөнхийлөгч Трамп нь Ираныг бүрэн устгаж чадах нүсэр том хүчээр сүрдүүлсэн байна. Тэрээр "Twitter" дээрээ "Ираны зүгээс Америкийн ямарваа нэг юмны эсрэг халдваас асар их, илт давуу хүчээр угтана. Илт давуу гэдэг нь зарим газар устгана гэсэн үг. Ахиж ямар ч Жон Керри бас Обама хэрэггүй" гэж жиргэжээ. Обама ба түүний Төрийн нарийн бичгийн дарга Жон Керри нар нь Ираны цөмийн хөтөлбөрийн талаарх бүгдийг багтаасан гэрээг байгуулсан. Гэвч Трамп нь энэ гэрээг байгуулснаар Иран нь Америк, Өрнөд Европыг мэхэлж байна гэж үзээд 2018 онд гэрээнээс гарсан юм.

Хэдхэн өдрийн өмнө Ираны агаарын довтолгооноос хамгаалах хүч агаарын хилийг нь зөрчсөн Америкийн тагнуулын дроныг пуужингаар харван сөнөөсний дараа хоёр улсын харилцаа хэзээ мөдгүй дайн дэгдэж магадгүй хэмжээнд хүрч муудсан.