КАЗАХСТАНЫ УСНЫ НӨӨЦ 15 ХУВИАР БУУРНА

2030-2050 онд Казахстаны усны хэмжээ 15,5 хувиар багасч 76 тэрбум шоо метр хүрэх тухай Дэлхийн банк мэдэгджээ. Дэлхийн цаг агаар дулаарч байгаатай холбоотойгоор ийм үзэгдэл үүснэ гэсэн байна. Тухайлбал, Казахстаны Туркестан мужид агаарын жилийн дундаж температур 2,6 градусаар өссөнөөр Тэнгэр уулын мөсөн голууд 50 хувь багасч, зуны улиралд ордог хур тунадасын хэмжээ мөн адил буурна.

Ийнхүү цэвэр усны нөөц багасахыг дагаад улаан буудайн ургац буурч эхлэх бөгөөд арван жилийн дараа, 2030 он гэхэд одоо хурааж байгаа ургацын ердөө 63 хувьтай тэнцэх ургац авдаг болж, 2050 онд 50 хувьтай тэнцэх ургац хураах төлөвтэй байна. Тиймээс Дэлхийн банк нь цагаа агаарын айсуй өөрчлөлтөд бэлтгэлтэй байхыг уриалжээ.