БНХАУ ТАЖИКИСТАНД ХҮДЭР БОЛОВСРУУЛАХ ҮЙЛДВЭР БАРИХАД 30 САЯ АМ.ДОЛЛАРЫН ХӨРӨНГӨ ОРУУЛАЛТ ХИЙЛЭЭ

Хятад нь Тажикистанд хүдэр боловсруулах үйлдвэр барихад 30 сая долларын хөрөнгө оруулалт хийв

Хятад ба Тажикийн хамтарсан "Тажикистан ба Хятадын уул уурхайн компани"-ийн үүсгэн байгуулсан "Төвөд – Эверест нөөцийн компани" ньТажикистаны Аж үйлдвэрлэл ба шинэ технологийн яамтай хамтран ховор болон өнгөт металын хүдэр боловсруулах үйлдвэр байгуулах санамж бичигт гарын үсэг зурсан тухай "Авеста" мэдээлж байна.

Энэхүү санамж бичгийн даруу Хятадын талаас 30 сая долларын хөрөнгө оруулалт хийснээр цутгамал хавтан хэлбэрээр эцсийн бүтээгдэхүүн гаргах хамгийн сүүлийн үеийн техник, технологиор тоноглогдсон үйлдвэр байгуулна. Ингэснээр "Тажикистан ба Хятадын уул уурхайн компани"-ийн хүдэр боловсруулах хүчиин чадал одоогийн жилийн 2,5 сая тонноос 2,4 дахин өсч 6 сая тонн болох аж.

Түүнчлэн "Тажикистан ба Хятадын уул уурхайн компани" нь "Истиклол" нэртэй аж үйлдвэрлэлийн хотхон дахь металл цагаан тугалганы үйлдвэрлэлийг жилийн 5000 тоннд хүргэн түүхий эдийг бүтэн циклээр бүрэн боловсруулдаг болох гэж байгаа тухай мэдээлсэн байна. Тус хотхон дахь боловсруулах үйлдвэрийг ОХУ ба Дундад Азийн бусад орноос түүхий эдээр хангах юм байна.

Хятадын талаас баригдаж дуусаад ашиглалтад ороод байгаа "Тажикистан ба Хятадын аж үйлдвэрлэлийн бүс"-ийг яваандаа"Тажикистан улсын умард нутгийн өнгөт металлын аж үйлдвэрлэлийн бүс" болгон өргөжүүлнэ гэдэгт найдаж байгаагаа илэрхийлжээ.