УКРАЙН БОНД ГАРГАЖ НЭГ ТЭРБУМ ЕВРО ЦУГЛУУЛАВ

Украйн еврогоор үнэлсэн бонд гарган 1 тэрбум бондын хөрөнгө босгосон тухай тус улсын Сангийн яамны хэвлэлийн алба мэдээлсэн байна.

2026 онд төлөгдөх 6,75 хувийн хүүтэй бондын дийлэнхийг тэтгэврийн ба даатгалын сангуудын хөрөнгийг удирддаг сангууд худалдан авсан байна. Худалдан авагчдын харьяалалын тухайд Их Британи, АНУ, ХБНГУ зэрэг улсууд 32%, 27%, 17%, 13% тус тус авсан байна.

Олон улсын валютын сан гэх мэт өндөр шаардлага, янз бүрийн нөхцөл тавилгүйгээр бонд гарган хөрөнгө цуглуулах нь нэг талаас зөв. Гэвч нөгөө талаас санхүүгийн шинжээч мэргэжилтнүүд нь Украйны гаргасан бондыг хэт өндөр хүүтэй байна гэж эрс шүүмжилж байна. Ингэснээр элдэв хувьсгалын улмаас тэртээ тэргүй хүнд байдалд ороод байгаа Украйны эдийн засгийг улам шавхаж байна гэж Засгийн газрыг шүүмжилжээ. Тухайлбал, Украйны гаргасан евро бондын хүү нь Литвагийн гаргасан бондынхоос 13,5 дахин их. Казахстаны бондынхоос хүү нь 4,4 дахин их, Оросын евро бондоос 2,8 дахин, Газпром компанийн евро бондноос 2,3 дахин их байгааг мэргэжилтнүүд онцолжээ. С.Доротич гэдэг шинжээчи нь ихэд бухимдан "Украйны Засгийн газар нь ОУВС-ийнхас 2-3 дахин үнэтэй зээл аваад солиороо юу та нар гэж уулга алдсан байна".

ОРЧУУЛСАН З.АНАР