АМЕРИКЧУУД ИРАНЫ УСТГАСАН ДРОНЫГ ОЛОН УЛСЫН БҮСД НИСЧ ЯВНА ГЭВ

Зургаадугаар сарын 19-нд Иран агаарыг хилийг нь зөрчин тагнуулын нислэг үйлдэж байсан Америкийн "RQ-4 Global Hawк" дроныг зенитийн пуужингаар онож устгасан явдал болсон. Америкчууд эхэндээ ямар ч дроноо алдаагүй, Иранчуудын яриад байгаа газар Амеркийн дрон нислэг үйлдээгүй гэж байсан ч удалгүй дроноо алдсанаа хүлээн зөвшөөрсөн. Гэхдээ дрон нь Ираны агаарын хилийг зөрчөөгүй, олон улсын бүс дээгүүр нислэг үйлдэж байхад нь иранчууд хууль бусаар унагасан гэсэн утгатай мэдэгдэл хийсэн юм.

Үүний хариуд Ираны гадаад харилцааны яам мэдэгдэл хийн Америкийн дрон агаарын хилийг нь зөрчсөн гэх нотлох баримт байгааг тухайгаа мэдэгдлээ.

Ираны нь өөрийн боловсруулж, үйлдвэрлэсэн "Хордад-15" зенитийн пуужингийн цогцолборын тусламжтайгаар америк дроныг сөнөөжээ. Энэхүү пуужинт цогцолбор нь байгаа 150 км-ийн алсаас илрүүлж, 45 км-ийн алсаас устгах чадвартай аж.

Газрын тос тээвэрлэгч усан онгоцууд руу үл мэдэгдэх этгээдүүдийн хийсэн олон удаагийн дайралтын дараагаар Америк нь тэр болгонд Ираныг буруутган хариу цохилт өгч магадгүй тухай яригдан хоёр улсын харилцаа туйлдаа хүртэл муудаад байсан. Одоо ийнхүү Ираны тал Амеркийг тагнуулын дроныг устгаснаар байдал бүр ч ноцтой боллоо. Одоо Америкийн талд Иранд цохилт өгөх бодит шалтагтай болоод авсан тул Трамп ямар хариу барихыг дэлхий нийтээр түгшин хүлээж байна. Энэ хүлээлтийг дагаад газрын тосны үнэ ч өсөөд эхэлжээ.