РОХИНЖА ҮНДЭСТНИЙ АСУУДАЛД ИЛҮҮ НУХАЦТАЙ ХАНДАХЫГ УРИАЛАВ

Хүний эрхийг хамгаалах чиглэлээр үйл ажиллагаа явуулдаг хэд хэдэн байгууллага Ази Номхон далайн бүс нутгийн орнуудын ассоциацийн удирдагч нарт хандан Мьянмар дахь рохинжа үндэстний дүрвэгсдийн асуудалд илүү нухацтай хандахыг уриалжээ.

Рохинжа үндэстэн дүрвэгсдийн асуудал зургаадугаар сарын сарын 20-нд Тайландад эхэлсэн АСЕАН-ы чуулга уулзалтын гол сэдэв болоод байгаа юм. Хүний эрхийг хамгаалагчид нь Мьянмар дахь цэргийн эрхтэнүүдийн зүгээс рохинжа үндэстнийг хомроглон устгах асуудлыг эцэслэн шийдэх хүртэл Бангладеш руу дүрвэн гарсан рохинжа дүрвэгсдийг эх орон руу нь буцаахгүй байхыг уриаллаа.

АСЕАН-ны хүний эрхийн хэрэг хариуцсан парламентын зөвлөл ба Индонезийн парламентын гишүүн Ева Сундари нь "АСЕАН нь рохинжа хүмүүсийн эсрэг Мьянмарын үйлдэж байгаа гэмт хэргийг байхгүй мэт царайлахаа зогсоох хэрэгтэй" гэж.

"Human Rights Watch" байгууллагын Азийг хариуцлсан захирал Брэд Адамс "Гэмтэж зовсон рохинжа хүн амыг тэднийг хөнөөж, хүчирхийлж, дээрэмдэж байгаа Мьянмарын аюулаас хамгаалах албаныханд өгөхөөр нутаг руу нь буцаах талаар АСЕАН-ы удирдагч нар хэлэлцэх нь утгагүй юм. Ассоциаци нь Мьянмарын цэргийнхэний зүгээс яс үндсээр ялган аллага үйлдэж байгааг шүүмжлэлгүй, хүлээн зөвшөөрөлгүйгээр рохинжа хүн амын ирээдүйн тухай хэлэлцэх гэж байна" гэж шүүмжилжээ.

2017 онд Мьянмарт явуулсан цэргийн ажиллагааны улмаас лалын шашинт 730 мянган рохинжа үндэстэн хүн хил залгаа Бангладеш руу дүрвэсэн гэдгийг НҮБ-ын ажиглагчид мэдээлж байсан. Энэхүү цэргийн ажиллагааны үеэр рохинжа нарыг олноор нь хөнөөж, хүчирхийлэх, тосгон сууринг нь галдан шатаах үйлдэл гарсан байна.