ТЭЭВЭРЛЭГЧ ОНГОЦ РУУ ДАЙРСНЫ ДАРАА ГАЗРЫН ТОСНЫ ҮНЭ ӨСЧЭЭ

АНУ-ын газрын тосны нөөц тооцоолж байснаас даруй 5 сая баррелиар илүү байгаа тухай мэдээ нь дэлхийн зах зээл дээрх газрын тосны үнийг огцом унагасан. Үүнээс болж Саудын Арави, ОХУ гэх мэт газрын тос экспортлогч орнуудын хүлээж болзошгүй хохирлын хэмжээний тухай яригдаж байтал санаандгүй зүйл болж газрын тосны үнэ ахин өссөн байна.

Зургаадугаар сарын 13-нд Оманы буланд Норвегийн “Frontline” компанийн мэдлийн газрын тос тээвэрлэгч онгоцуудыг торпедоор довтлон живүүлсэн хэрэг гарсан. Дотволгооны улмаас нэг усан онгоц нь живсэн. Энэ мэдээ цацагдсаны дараанаас бирж дээрх газрын тосны үнэ 5,4 хувиар өсч баррель нь 63,17 долларт хүрээд байна. Энэхүү дайралт болохоос өмнө газрын тосны үнэ сэтгэл зүйн хувьд нэн чухаг 60 доллар гэсэн босгонд хүрэлгүй тогтоод байгааг мэргэжилтнүүд онцолж байсан юм.

Газрын тос олборлогч орнуудын хувьд баррель газрын тосны үнэ 70-75 долларын хооронд хэлбэлзэх нь хамгийн ашигтай. Иймд ОПЕК-ийн орнууд ба ОХУ нь газрын тосны үнийг энэ хэмжээнд хүргэхийн тулд ойрын үед уулзалдан олборлолтын хэмжээг бууруулах шийдвэр гаргана гэж шинжээчид үзэж байна. Баррель газрын тосны үнийг дурдагдсан хэмжээнд хүргэхийн тулд хоногийн олборлолтын хэмжээг 2 сая баррелиар бууруулах шаардлагтай аж.