ОРОС АМЕРИКИЙН ХАРИЛЦАА ХҮЙТЭН ДАЙНЫ ҮЕИЙНХЭЭС ИЛҮҮ МУУДСАН

ОХУ-аас АНУ-д суугаа онц бөгөөд бүрэн эрхэт элчин сайд Сергей Рябко нь The Wall Street Journal-д ярилцлага өгөхдөө Америк ба Оросын харилцаа хүйтэн дайны үеийнхээс ч доор болсон гэжээ.

Тэрээр Москва Вашингтон хоёр нь хамгийн ширүүн сөргөлддөг байсан үедээ ч харилцаа нь цаашид хэрхэн өрнөхийг урьдчлан тооцож, багцаалж болдог байсан бол одоо таамаглах, баримжаалах ямар ч боломжгүй болоод байна гэсэн байна.

Хоёр улсын хоорондох харилцааг сайжруулахын тулд дипломат ажилтнуудыг албан гаргадаг, дипломат төлөөлөгчийн газруудыг харилцан хаадаг байдлаа зогсоох нь зүйтэй тухай Оросын элчин хэлжээ. Рябков нь үүний өмнө Стратегийн зэвсэглэлийн тухай харилцан яриаг АНУ нь бүрмөсөн хааж, өөрсдийнхөө зохиосон зүйлдээ бүгдийг итгүүлэх гэж байгаа төдийгүгй улс төрийн түвшинд шийдэгдэх ёстой асуудлаас технологийн шийдэл олж гарах гээд байгаа нь хоёр улс хоорондын харилцан яриаг үгүй хийж байна гэсэн мэдэгдэл хийж байсан юм.