АНУ-ЫН ХОРИГООС БОЛЖ HUAWEI-ГИЙН БОРЛУУЛАЛТ 50 ХУВИАР БУУРСАН ГЭВ

“Huawei” компани АНУ-ын хориг арга хэмжээний улмаас 2019 онд ухаалаг утасны дэлхийн зах зээл дээр манлайлагч болох төлөвлөгөөнөөсөө татгалзахад хүрсэн гэдгээ хүлээн зөвшөөрсөн гэдгийг“GizChina” мэдээлэв.

Бүр 2018 оны арваннэгдүгээр сард “Huawei”-н нэг салбарын тэргүүн Ричард Ю нь 2020 он гэхэд түүний ажилладаг компани нь зах зээлд нийлүүлсэн ухаалаг утасны тоогоор “Apple”, “Samsung” компаниудыг гүйцэд түрүүлнэ гэж мэдэгдээд  байсан юм. 2018 оны дүнгээр “Huawei” нь “Apple”-ийг түрүүлж хоёрдугаар байранд орсон. Улмаар энэ жил нийлүүлэлтээрээ “Samsung”-ийг гүйцэд түрүүлэхээр байсан ч өнгөрөгч тавдугаар сард АНУ-ын Засгийн газраас авсан хориг арга хэмжээ саад болжээ.

“Huawei”-н хэрэглэгчидтэй харилцах стратеги хариуцсан захирал Шао Янг “Бид энэ оны дөрөвдүгээр улиралд дэлхийд тэргүүлэхээр байсан ч одоо түүнд хүрэх зам илүү урт байхаар болж байна” гэжээ.

АНУ-ын хоригоос болж Баруун Европ дахь борлуулалт нь бас унаад байна. Тухайлбал, АНУ-ыг хориг арга хэмжээ авсны дараагаар Герман дахь “Huawei” утасны борлуулалт 50 хувь унасан байна. Ингэснээр хоригын өмнө Германы зах зээлийн 26 хувийг эзлээд байсан “Huawei” нь байр сууриа алдсаар одоо энэ улсын зах зээлийн ердөө 2 хувийг л эзэлж байна. Үүгээр ч зогсохгүй “Strategy Analytics” судалгааны төвийн мэргэжилтнүүд “Huawei”-г Америкийн “Google” компанийн үйлчилгээг авч чадахгүй болнсоор Баруун Европын ухаалаг гар утасны зах зээлийг бүрэн орхихоос өөр аргагүй болно гэж мэдэгдсэн байна.