ХУДАЛДААНЫ ДАЙНААС БОЛЖ КАЗАХСТАНЫ ЗЭСИЙН КОМПАНИУДЫН ХУВЬЦААНЫ ҮНЭ УНАЖ БАЙНА

АНУ ба Хятад хоорондын худалдааны дайны нөлөөгөөөр Казахстаны зэсийн компаниудын хувьцааны үнэ унаж байна. Тухайлбал, Казахстаны хөрөнгийн бирж дээрх  “KAZ Minerals PLC” компанийн хувьцааны үнэ 20 хувиар буурсан байна. Тус биржийн мэргэжилтнүүдийн мэдээлж буйгаар хөрөнгө оруулагчид нь Америктай худалдааны дайн хийж байгаа нөхцөлд Хятад дахь зэсийн эрэлт хангалттай өндөр байж чадахгүй гэж үзсэн тул ханш нь ийнхүү унажээ.

2019 оны эхний улирлын байдлаар Казахстанд 27,3 сая тонн зэсийн хүдэр олборлосон нь 2018 оны мөн үеийнхээс 17,5 хувиар өссөн үзүүлэлт юм. Зэсийн баяжмалынх нь олборлолт 40,9 хувиар өсч 3,7 сая тонн хүрээд байгаа аж.