ТУРКИЙН АРМИ КУРДЫН 141 БОСОГЧИЙГ АЮУЛГҮЙ БОЛГОЖЭЭ

Туркийн зэвсэгт хүчин өнгөрсөн өдрүүдэд курдын салан тусгаарлагч хүчний таван зэвсэглэсэн этгээдийн аюулгүй болгосон тухай “Anadolu Ajansi” мэдээлж байна. Туркийн Хакурк, Зап мужууд ба Иракийн хойд нутагт тусгай ажиллагаа явуулан эдгээр босогчдыг аюулгүй болгосон гэж. Туркийн арми, тусгай хүчнийхэн өнгөрсөн тавдугаар сард курдуудын салан тусгаарлах хөдөлгөөнийг удирддаг Курдын ажилчны намын 141 гишүүнийг устгаад байгаа юм байна. Туркийн сонин хэвлэлүүд устгасан, баривчилсан, шархадуулсан тохиолдлуудыг бүгдийг нь “аюулгүй болгосон” гэж бичдэг тул яг яасан нь тодорхойгүй.

Туркийн хамгийн олон хүнтэй үндэсний цөөнх болох курдууд нь тусгаар улс болохоор олон жилийн турш зэвсэгт тэмцэл явуулж буй. Курдуудын салан тусгаарлах хөдөлгөөнийг удирдан чиглүүлдэг Курдын ажилчны намыг Турк улс нь алан хядах байгууллага гэж үздэг бөгөөд өөрийн нутаг дэвсгэр дээр үйл ажиллагаа явуулахыг нь хориглодог.

Орчуулсан: Б.Бадрал