ИХ ХЭМЖЭЭНИЙ ХАР ТАМХИ ЗӨӨВӨРЛӨСӨН С.ЭРДЭНЭБАЯР ГЭГЧ ХЭН БЭ?

ХБНГУ-ын Дрезден хотын гааль дээр онц их хэмжээний хар тамхи зөөж байгаад баригдсан Б.Баттүшиг, С.Эрдэнэбаяр нарын талаар мэдээллийг хүргэж байгаа. Б.Баттүшиг нь Улсын дээд шүүхийн шүүгч Бат-Эрдэнийн төрсөн хүү гэдгийг өчигдөр манай сайт та бүхэнд мэдээлсэн. Тэгвэл жолооч С.Эрдэнэбаяр нь Сэлэнгэ аймгийн Мандал сумын харъяат, 50 орчим насны хоёр хүүхэдтэй. Улмаар Гадаад харилцааны сайд асан Л.Эрдэнэчулуун, С.Оюун, Л.Болд, Д.Цогтбаатар нарын жолоочоор ажиллаж байсан. Тэрбээр Москва, Берлин, Вашингтон, Женев, Лондон, Канадад ажиллаж байгаад Стамбулд очоод жил гаруй болж байжээ. С.Эрдэнэбаяр нь эмэгтэйчүүдийн хорих ангийн дарга, Монголын анхны эмэгтэйн хурандаагийн хүү аж. Хар тамхи зөөвөрлөж явсан автомашин нь түүний хувийн эзэмшлийнх бөгөөд дипломат дугаар авсан байжээ. Б.Баттүшиг, С.Эрдэнэбаяр нь саатуулагдсан даруйдаа БНТУ-ын Стамбул хотын ерөнхий консул Э.Мөнх-Очиртой утсаар холбогджээ. Эдгээр албан тушаалтнууд Германы шоронд хоригдон шалгагдаж байна.