ГЕРМАНЫ “БИЛЬД” СОНИН МОНГОЛЫН ДИПЛОМАТ АЖИЛТНУУД ХАР ТАМХИ ТЭЭЖ ЯВСАН ТУХАЙ БИЧЖЭЭ

Тус сонинд өгүүлсэн нь:

 “Монголын хоёр дипломатч Германы хууль сахиулагчдыг дипломат дугаартай машинуудыг шалгадаг гэдгийг мэдэлгүй дутуу үнэлсэн бололтой. Тавдугаар сарын эхээр Пирна – Дрездений 17-р зам дээр дипломат дугаар бүхий мөнгөлөг өнгийн “Мерседес” машин сэжигтэй санагдан үзлэг хийх гэхэд машинд сууж явсан хоёр монгол халдашгүй эрх олгодог Элчин сайдны яамны ажилтнуудын үнэмлэх гарган ирж үзлэгт орохоос эрс татгалзжээ. Гэвч Саксон мужийн гаалийнхан бууж өгсөнгүй, монголчуудын талаарх мэдээллийг Берлин рүү, Гадаад харилцааны яам өгч шалгуулахаар шийдсэн байна. Тэгтэл тэдний дипломат статус нь зөвхөн Туркийн нутаг дээр л хүчинтэй, Германы нутаг дээр хүчингүй гэсэн хариу иржээ. Шалгуулахгүй байх халдашгүй эрх нь хүчингүй болж. Улмаар “Мерседес” машинд үзэг хийх явцад хоёр чемоданаас тус бүрийг нь 500 граммаар савласан 140 боодол, 70 кг героин илэрсэн байна. Энэ героиныг гудамжинд гарган зарвал даруй 3 сая гаруй евро хүрнэ. Гаалийн төлөөлөгч Франк Фрей Шрөтер нь “Дрезден хотын тойргийн шүүхээс прокурорын хүсэлтийн дагуу хоёр эрэгтэйг баривчлах ордер олгосон” гэж хэлэв. Хар тамхи тээвэрлэгчид хаа хүрэх санаатай байсан нь тодорхойгүй байна. Берлин дэх Монголын Элчин сайдын яам “BILD” сонины асуулгад тодорхой хариу өгсөнгүй. Дэлгэрэнгүй асуулгыг бичгэн хэлбэрээр өгсөн ч одоо болтол хариу ирээгүй байна” гэжээ.

Орчуулсан: Б.Бадрал