ХОРТ ХАЯГДАЛ УТААНЫ ХЭМЖЭЭ 2030 ОНД ДЭЭД ЦЭГТЭЭ ХҮРНЭ

Австралийн Мэльбурн хотын мэргэжилтнүүд хүн төрөлхтний соёл иргэншил одоогийн байдлаараа цаашид оршин тогтнох боломжгүй болсон гэдгийг нотолсон судалгаа гаргасан тухай “The Independent” сонин мэдээлж байна.

Тус судалгаанд өгүүлснээр ашигт малтмалын түлш шатаан эрчим хүч гаргахыг буруулах дорвитой арга хэмжээ ойрын ирээдүйд авагдахгүй төлөвтэй байгаа. Иймд 2030 онд гэхэд агаар мандалд цацагдаж байгаа хорт хаягдлын хэмжээ дээд цугтлаа тулна. Үр дүнд нь дэлхийнцаг агаарын дулаан 2050 онд гэхэд үйлдвэржилтээс өмнөх түвшинээс 3 градусаар өснө.Улмаар нарны элчийг ойлгож байдаг далай тэнгисийн мөс, мөнх цэвдэгүүд хайлна, дэлхийн уушиг гэж нэрлэгддэг Амазон мөрнийг тойрсон ширэнгэн ойд ган дайрна.

Ингээд зогсохгүй Ази, Баруун Африкийн далайн эрэг орчим тодорхой мөчлөгтэй тогтмол үлээж байдаг муссон салхи ба далайн дулаан урьсгал Гольфстирмийн хувиарлалтад өөрчлөлт гарснаар Европ дахь цаг агаар эрс өөрчлөгдөнө. Харин Хойд Америк нь ган гачиг, хэт халуун, үер, ойн түймэр гэсэн байгалийн гамшигт нэрвэгдэнэ. Азийн гол мөрнүүд татарч, Мексик ба Төв Америкт буудаг хур тунадасын хэмжэээ хоёр дахин буурна. Ингэсээр 2100 он гэхэд дэлхийн цаг агаар аж үйлдвэржилтээс өмнө үеийнхтэй харьцуулбал даруй 5 градусаар халуун болно.

Агаарын хэм дэлхийн хэмжээнд 4 градусаар халахад л хүн төрөлхтний соёл иргэншил орчин үеийн хэлбэрээр оршин тогтнох боломжгүй гэж үздэг. Дэлхийн цаг агаар 4 бус ердөө 2 градусаар халахад л өмнөд өргөргийн бүсд амьдардаг хүмүүс шилжин суурьшихаас өөр аргагүй болж, цаг агаарын цагаачдын тоо тэрбумд хүрнэ. Дэлхий нь үүний үр дагавараас урьдчилан сэргийлэх, хүлээн авч зөөллөхөд бэлэн бус байгааг мэргэжилтнүүд анхааруулжээ.