БНХАУ 2060 он гэхэд нүүрстөрөгчийн саармаг байдалд хүрэхээр ажиллаж байна

БНХАУ-ын нүүрстөрөгчийн ялгаруулалт 2024 онд өмнөх жилээс 0.6 хувиар буурчээ. Үүний гол шалтгааныг шинжээчид сэргээгдэх эрчим хүчний шилжилтэд оруулсан хөрөнгө оруулалттай холбон тайлбарлаж байна. Тодруулбал, 2024 онд Хятад улс эрчим хүч, сэргээгдэх эх үүсвэр, цахилгаан тээвэр, батерей үйлдвэрлэлд ойролцоогоор 900 тэрбум ам.долларын хөрөнгө оруулалт хийсэн бөгөөд ингэснээр тус улсын сэргээгдэх эрчим хүчний хүчин чадал дэлхийд тэргүүлэх хэмжээнд хүрчээ. 

Тус томоохон өөрчлөлтийн суурь нь 2015 онд Парис хотод батлагдсан олон улсын уур амьсгалын хэлэлцээрээр тавигдсан бөгөөд улмаар БНХАУ 2060 он гэхэд нүүрстөрөгчийн саармаг байдалд хүрнэ хэмээн зарласнаар ногоон шилжилтийн хурд улам эрчимжжээ.