О.Уранбаяр 73кг-ын жинд "Их дуулга"-аас хүрэл медаль хүртлээ

Япон улсын Токио хотод Олон улсын жүдо бөхийн холбооноос зохион байгуулдаг “Их дуулга” тэмцээн өнгөрөгч амралтын өдрүүдэд амжилттай зохион байгуулагдлаа. Зохион байгуулагч японы баг тамирчид Нийт 41 орны тамирчид өрсөлдсөнөөс жин тус бүрт ялалт байгууллаа.

Монголын жүдо бөхийн шигшээ багийн 16 жүдочид өрсөлдөж эрэгтэйчүүдийн 73кг-ын О.Уранбаяр хүрэл медаль хүртлээ. Энэ нь манай багийн цорын ганц медаль юм.

Манай бусад жүдочдоос эмэгтэйчүүдийн -48 кг-д залуу жүдоч Ж.Анударь тавдугаар байр эзэлсэн бол 52 кг-д М.Нандин-Эрдэнэ, 63 кг-д Л.Энхрийлэн нар долоодугаар байрт орлоо. Мөн эрэгтэй жүдочдоос -73 кг-д Л.Анхзаяа +100 кг-д О.Цэцэнцэнгэл нар долоодугаар байр эзэлж, багийн дүнгээр наймдугаар байр эзэллээ.

Японы шигшээ багаас жин тус бүрт дөрвөн жүдоч барилдаж ихэнх жинд 2-с дээш медаль хүртлээ. Багийн дүнгээр Японы нэг 11 алт, 11 мөнгө, 15 хүрэл нийт 37 медальтайгаар тасархай түрүүлсэн бол ОХУ, БНСУ, Гүржийн баг ганц алтан медальтайгаар 2-4-р байрт жагслаа. Португал нэг мөнгө, Испани хоёр хүрэл медаль хүртсэн бол Тайвань, Чех, Франц, Монгол, Польшийн баг ганц хүрэл медальтайгаар тэмцээнийг дуусгалаа. 41 орноос 11 орон ямар нэгэн медальтайгаар энэ оны сүүлийн “Их дуулга” тэмцээнийг өндөрлүүллээ.