Н.АНХБАЯР НЬ ААВЫН НӨЛӨӨГӨӨР БУС ӨӨРИЙНХӨӨ ТУРШЛАГААР ЭЛЧИНГЭЭР ТОМИЛОГДОХ БОЛОМЖТОЙ ХҮН

Гадаад улсад Монгол Улсаа төлөөлөн суух 18 Элчин сайдуудын томилгоог ирэх сарын эхээр хийхээр товложээ. Үүнтэй холбоотойгоор 18 хүний нэрс эхнээсээ тодроод эхэллээ. Намын дэд даргын албан тушаалд очсон Б.Дэлгэрмааг хамгийн түрүүд эгүүлэн татсан. Б.Дэлгэрмаагийн орыг залгах элчин сайдаар Г.Өлзийбүрэн гэх эрхэмийн нэр хамгийн эхэнд дуулдаж байгаа юм. Элчин сайдаар яригдаж байгаа дараагийн хүн бол ХЗДХ-ийн сайд Ц.Нямдоржийн хүү Н.Анхбаяр байна. Түүнийг ХЗДХ-ийн сайд Ц.Нямдоржийн нөмөр нөлөөтэйгээр Элчин сайдаар Австрали улсад суух нь гэсэн яриа олон дунд байгаа юм.

Гэсэн хэдий ч Н.Анхбаярыг эцгийн нөлөөгөөр гэхээс илүү хувь хүнийнхээ хувьд туршлагатай боловсон хүчин гэдгийг намтар түүх нь гэрчилж байгаа юм. Н.Анхбаяр нь 1979 онд Увс аймагт төрсөн. Өдгөө Гадаад харилцааны яамны Төрийн захиргааны удирдлагын газрын захирлаар ажиллаж буй, Хууль зүй, дотоод хэргийн сайд Ц.Нямдоржийн хүү. Хуульч мэргэжилтэй тэрбээр 2000 онд УИХ-ын Тамгын газраас ажлын гараагаа эхэлж төрийн албанд 20 орчим жил ажилласан бөгөөд Гадаад харилцааны яам, дипломат албанд 2007 оноос хойш тасралтгүй хүчин зүтгэжээ. 2012-2014 онд АНУ-ын Сан-Франциско хотод Ерөнхий консулаар сууж байсан туршлагатай нэгэн юм байна.