ӨСВӨРИЙН УЛСЫН АВАРГА ШАЛГАРУУЛАХ БАДМИНТОНЫ ТЭМЦЭЭН ЧИНГИС ХОТОД БОЛЖ БАЙНА

Хэнтий аймаг 2018 онд улсын аварга шалгаруулах 10 тэмцээнийг орон нутагтаа амжилттай зохион байгуулж байсан бол энэ онд мөн 10 УАШ тэмцээн зохион байгуулна. Үүний нэг нь 2019 оны өсвөр үеийн улсын аварга шалгаруулах бадминтоны тэмцээн өнөөдөр Чингис хотод эхэлж байна. Нээлтэд аймгийн Засаг даргын орлогч Г.Хэрлэнчулуун, Монголынбадминтонсонирхогчдын холбооны Ерөнхий нарийн бичгийн дарга Н.Зулбаатар , Хэнтий аймгийн бадминтоны холбооныхон болон Монгол орны өнцөг булан бүрээс шилдэг багш дасгалжуулагчид хүрэлцэн иржээ.

Мөн 12 аймгийн 300 гаруй тамирчид 4 насны ангилалд ур чадвар авхаалж самбаагаа сорин өрсөлдөж байна. Тэмцээний ерөнхий шүүгчээр Монголын бадминтонсонирхогчдын холбооны Ерөнхий нарийн бичгийн дарга Н.Зулбаатар, Нарийн бичиг шүүгчээр улсын шүүгч О.Ишхүү, МУ-ыншигшээ багийн тамирчин Ж.Гэрэлсүхнар ажиллаж байна.

Нээлтийн үеэр бадминтоны спортыг хөгжүүлэхэд үнэтэй хувь нэмрээ оруулж байгаа багш дасгалжуулагч, спортын зүтгэлтнүүддээхүндэтгэлүзүүлж шагнаж урамшууллаа.

Хэнтий аймгийн хувьд тус спортоор насанд хүрэгчид болон өсвөр үеийн 1000 гаруй тамирчид хичээллэдэг бөгөөд 2017, 2018 онуудад 2,3 дугаар байр, чансаа ахиулах өсвөр үеийн тэмцээнд тэргүүн байр эзэлж байжээ.

Мөн тус холбооны тэргүүнээр Хэрлэн 1-дүгээр сургуулийн захирал Х.Алтанцэцэг, дэд тэргүүнээр Стандарт хэмжилзүйн хэлтсийн дарга Ч.Пүрэвдорж нар ажилладаг.

Тэмцээн 2 өдөр үргэлжилнэ.