ОРЦНЫ ДОЛООН ДАВХРЫН ШАТНААС ӨӨРИЙГӨӨ БООМИЛСОН БАЙДАЛТАЙ АМИА АЛДЖЭЭ

Өөрийн оршин суудаг байрны шатнаас боомилж нас барсан хэрэг гарсан байна. Тодруулбал, энэ сарын 6-ны өдөр Баянгол дүүргийн нутаг дэвсгэрт байрлах Нарны хорооллын нэгэн байрны оршин суугч долоон давхрын орцны шатнаас өөрийн зүүж явсан суран тэлээгээр хоолойгоо боосон байдалтай нас барсан байжээ. Хэргийг Баянгол дүүрэг дэх цагдаагийн хэлтэст мөрдөн шалгаж байгаа бөгөөд нас барсан эрэгтэй 22 настай И нь тухайн байранд оршин суудаг байсан аж.Эх сурвалжийн мэдээлж буйгаар, талийгаач оройн 18:10 цагт өөрийгөө боосон байдалтай нас барсан байсан гэх ба оршин суугч гэр лүүгээ орохдоо харж цагдаагийн байгууллагад мэдээлсэн байна. Одоогоор хэргийн шалтгаан нөхцлийг тогтоохоор шалгалтын ажиллагаа үргэлжилж байна