А.ЦЭРЭНСОДНОМ ПРОКУРОРЫГ ЦАГДААГИЙНХАН ШАЛГАНА

Монгол улсын ерөнхийлөгч Х.Баттулга улсын ерөнхий прокурорын орлогчоор томилуулахаар Сүхбаатар дүүргийн прокурорын газрын хяналтын прокурор А.Цэрэнсодномын нэрийг УИХ-д хүргүүлээд саналаа буцаан татсан. А.Цэрэнсодномтой холбоотой утсаар ярьсан бичлэг олон нийтийн сүлжээгээр цацагдсан, тэрхүү бичлэгийн хоолой өөрийнх нь мөн гэдгээ ч хүлээн зөвшөөрсөн. Тэгвэл А.Цэрэнсодномыг шалгуулахаар гаргасан иргэн Г.Наранхүүгийн гомдлыг цагдаагийн байгууллагад шалгуулахаар шилжүүлжээ.Нийслэлийн прокурорын газраас А.Цэрэнсодном прокурорт холбогдуулан нээсэн хэрэг бүртгэлийн хэргийг шалгах харъяаллыг өөрчилж, өнгөрсөн долоо хоногт Мөрдөн байцаах албаны Тусгай субъектийн үйлдсэн гэмт хэргийг мөрдөн шалгах хэлтсийн алба хаагчдаар шалгуулахаар шилжүүлжээ.