УИХ-ЫН ГИШҮҮН Ж.БАТЗАНДАНЫ МАЛЫН ТОО 165-ААР НЭМЭГДЖЭЭ

УИХ-ын гишүүн Ж.Батзандан 300 хонь, хурдан удмын 400 адуу, 65 үхэртэй. Эдгээр малаа 1.3 тэрбум төгрөгөөр үнэлсэн байна. Хонины тоо өнгөрсөн жилийн мэдүүлгээс 100-аар, адууны тоо 50-аар, үхрийн тоо толгой 15-аар нэмэгджээ. Харин тэрбээр 15 сая төгрөгийн үнэлгээ бүхий Тоёота приус маркын нэг автомашинтай.

Түүний орлого 24.4 сая төгрөг бол гэрийнх нь орлого 498 сая төгрөг. Түүнд амины орон сууц-1, зуслангийн байшин-1 бий. Эдгээрийнх нь үнэлгээ 300 сая төгрөг.

Дансандаа 32 сая төгрөгтэй. Бусдаас 240 сая төгрөгийн авлагатай, зээлийн хэмжээ нь 10 сая төгрөг. Тэрбээр ЖБ Прайм ХХК, Доктор фарм ХХК, Крипто Үндэстэн ХХК компаниудад 50%, 100%, 0.683% ногдол хувь эзэмшдэг.