УИХ-ЫН ДЭД ДАРГА Я.САНЖМЯТАВ АВТОМАШИНГҮЙ, ГЭР БҮЛ НЬ ОРЛОГОГҮЙ

АТГ-аас жил бүр төрийн өндөр албан тушаалтнуудын хөрөнгө орлогыг ил болгодог. Олон нийтэд ил болж буй эдгээр мэдээллээс сонирхолтой хөрөнгө орлогын мэдүүлгийг түүвэрлэн хүргэж байна.

УИХ-ын гишүүн Я.Санжмятавын гэр бүл "орлогогүй". Уг нь 2016 онд түүний гэр бүлийн орлого 70 сая төгрөг байсан бол энэ онд огт орлогүй хэмээн мэдүүлжээ.

Харин өөрийнх нь нийт орлого 23.6 сая төгрөг. УИХ-ын дэд дарга Я.Санжмятав нь 1 нийтийн орон сууцтай, тэр нь 65 сая төгрөгийн үнэлгээтэй. 2014-2017 онд Lexus 570 маркын 1 автомашинтай байсан. 2018 онд байхгүй болсон. Өөрөөр хэлбэл автомашингүй. Харин 35 адуу, 45 үхэртэй. Эдгээр мал нь 215 сая төгрөгийн үнэтэй. 1.06 тэрбум төгрөгийн үнэт эдлэлтэй. Хадгаламж 0 төгрөг. Дотоодын банкинд байх хөрөнгө нь 13 сая 1500 төгрөг байгаа гэсэн мэдээллийг өгсөн байна.