ПРОКУРОР А.ЦЭРЭНСОДНОМ ТА 500 САЯ ТӨГРӨГИЙН АВЛАГАА ТАЙЛБАРЛАНА УУ

Ерөнхийлөгч Х.Баттулга Улсын Ерөнхий прокурорын орлогчоор Сүхбаатар дүүргийн Прокурорын хэлтсийн ахлах прокурор А.Цэрэнсодномыг "зүтгүүлж" байгаа. Харин прокурор А.Цэрэнсодном нь албан тушаалаа ашиглан бусдыг дарамталж, мөнгө нэхэж байгаа бичлэгийг бид дэлгэсэн. Энэ дагуу А.Цэрэнсодном манай сайтад тайлбар өгсөн бөгөөд "Тухайн бичлэг нь өөрийнх нь мөн" гэдгийг хүлээн зөвшөөрсөн юм.

Гэхдээ "тухайн бичлэг нь албан тушаалаа ашиглаагүй, бусдаас авах ёстой 500 сая төгрөгөө нэхэж, маргалдсан" гэх тайлбарыг өгсөн. Гэвч түүний өгсөн тайлбараас үзэхэд "Сая гаруй төгрөгийн цалинтай прокурор ямар аргаар 500 сая төгрөгтэй болсон, ямар учиртай авлага бий болсон" нь сонирхол татаж байгаа юм. Түүнчлэн хувийн авлагаа авахын тулд "цагдан хорих 461-р ангид хорино" гэж сүрдүүлсэн нь албан тушаалаа хувийн байдалдаа ашиглаж буйн баталгаа болж байгаа юм.

Ахлах прокурор А.Цэрэнсодном та 500 сая төгрөгийн авлагаа тайлбарласны дараа УЕП-ын орлогчийн албан тушаал руу "зүтгэнэ үү".