​ЗГ: ЭРҮҮДЭН ШҮҮЖ БАЙГАА БИЧЛЭГИЙГ УИХ-ЫН ГИШҮҮД 15 ЦАГТ ҮЗНЭ

С.Зоригийн хэрэгт буруутгагдсан хүмүүсийг эрүүдэн шүүсэн гэх бичлэгийг 15 цагт УИХ-ын гишүүдэд үзүүлэх шийдвэрийг өнөөдөр Засгийн газрын хуралдааны үеэр гаргажээ. Төр, нийгмийн зүтгэлтэн С.Зориг агсны хэрэгтэй холбоотой бичлэгийг өчигдөр Засгийн газрын ээлжит бус хуралдаанаар "Нууц"-аас гаргах шийдвэр гаргасан. Энэ талаар ЗГХЭГ-ын дарга Л.Оюун-Эрдэнэ "Их урт бичлэг байгаа. Зарим хэсэг нь мөрдөн байцаалтад орсон учраас тэр хэсгийг нууцаас гаргах гэхээр мөрдөн байцаалтад хөндлөнгөөс оролцсон болно гээд прокурор хориглочихоод байгаа. Харин мөрдөн байцаалтад ороогүй, бичлэгийн багаахан хэсэг байгаа. Сэргээсэн бичлэг гэсэн үг. Сэргээсэн бичлэгийг тагнуулын байгууллага олон нийтэд ил болгож болох, ил болгож болохгүй гэж хоёр ангилсан. Бичлэгийг нууцаас гаргасан тул эхлээд УИХ-ын гишүүд чуулган дээр хаалттай үздэг юм уу, танилцах байх. Удахгүй олон нийтэд ил болгож болох хэсгийг хэвлэлд ил болгоно" хэмээн мэдэгдсэн