УЕП-ЫН ОРЛОГЧ РУУ “ЗҮТГЭЖ” БАЙГАА А.ЦЭРЭНСОДНОМЫН БУСДЫГ ДАРАМТАЛЖ МӨНГӨ НЭХЭЖ БУЙ БИЧЛЭГИЙГ ДЭЛГЭЖ БАЙНА

1993 оноос хойш прокурорын анхан шатны байгууллагаас эхэлж ажилласан Александрын Цэрэнсодномыг Монгол Улсын Ерөнхийлөгч УЕП-ын орлогчийн албан тушаал руу "зүтгүүлсэн"

УИХ дахь МАН-ын бүлэг тус асуудлыг хэлэлцээд А.Цэрэнсодномыг судлах зорилготой буцаасан талаар бид мэдээлсэн. Тэгвэл УЕП-ын орлогчид горилогч А.Цэрэнсодном нь сонирхолтой намтар, түүхтэй нэгэн ажээ. Тодруулбал, тэрбээр прокурорт ажиллаж байхдаа гэмт хэрэгт холбогдож, шалгагдаж байжээ.

Тэрбээр 2003-2005 онд "Тээврийн прокурорын газар" орлогчоор ажиллаж байхдаа зам тээврийн ослын хэргийн шинжээчийн дүгнэлтийг мөрдөн байцаагчтайгаа нийлж будлиантуулж, хуурамчаар үйлдсэн хэрэгт унасан байна. Ингээд ажлаасаа халагдаж, мөрдөн байцаагч нь ял авснаар хэрэг намжжээ. Прокуророос авилгын асуудлаар ажлаасаа халагдсан А.Цэрэнсодном шууд МХЕГ-т байцаагчаар ажилд орж, тэндээсээ "Ашигт малтмал, газрын тосны хэрэг эрхлэх газар"-т Хуулийн хэлтсийн даргаар томилогдсон байна.

Тус газрын дарга Д.Батхуяг ял авсан дуулиантай жилүүдэд тэнд ажиллаж байгаад "Эрдэнэт" үйлдвэрийн хуулийн хэлтсийн даргаар томилогджээ. Тус үйлдвэрийг барьцаанд тавьсан асуудлаар шалгагдаад буй Б.Мөнхжаргалын оронд томилогдсон гэсэн үг. А.Цэрэнсодном 2016 прокурорын хаалгыг дахин татаж , орж ирсэн байдаг. Хамгийн сүүлд Сүхбаатар дүүргийн прокурорын газарт хэрэг бүртгэх, мөрдөн байцаах ажиллагаанд хяналт тавих ажил хариуцсан ахлах прокуророор ажиллаж байна.26 жилийн турш 12 ажлын байр сэлгэж албан тушаалд өгсөж, уруудаж явахдаа А.Цэрэнсодном хоёр удаа алдаа гаргаж авилгын хэрэгт холбогдсон байдаг. Нэгийг нь дээр дурдсан, харин хоёр дахь хэрэг нь одоо эрүүгийн хэрэг үүсгэгдэн шалгагдаж байгаа аж. "Бусдаас их хэмжээний мөнгө авч гадаадад сургуульд сурсан, бусдыг дарамталж авилга авсан" гэдэг өргөдлийн дагуу тэрээр АТГ-т шалгагдаж байгаа юм байна. Тодруулбал А.Цэрэнсодном нь НПГ-т ажиллаж байхдаа иргэн Н-ээс бусдаар дамжуулан 154 сая төгрөгийн хахууль авсан байж болзошгүй асуудлаар хэрэг бүртгэл нээжээ.

Түүний бусдыг дарамталж буй бичлэгийг дэлгэж байна

Н.Өнөрцэцэг

Видеоны эх сурвалж: Шударга ёс 2019