​Ё.САГСАЙГ ШАЛГАХЫГ ПРОКУРОР ЗӨВШӨӨРӨХ ҮҮ?

30 гаруй жил прокурорын байгууллагад ажилласан Ё.Сагсайн 25 сек-ийн бичлэг дуулиан дагуулаад байна. Таван минут орчмын хугацаатай, эмэгтэй хүнийг хүчирхийлж буй бичлэг бий гэж МАХН-ынхан хэлэв. Дөрвөн хүүхдийн аав, тэтгэвэрт гарсан ахмад прокурор олон хэрэг дээр ажиллаж байсан бөгөөд Монгол Улсын Ерөнхийлөгч асан Н.Энхбаярт ял оноолгож байв. Ё.Сагсайг эмэгтэй хүнийг хүчирхийлж байхад нь цагдаа нар орж болиулсан, гэхдээ хэрэгт холбогдсон нэгэн этгээдийг суллахыг шаардаж, шалдан сууж байгаа түүнийг дарамталж буй бичлэгийг үзээгүй хүн ховор байх. МАХН-ын зүгээс энэ бичлэгийг цагдаагийн байгууллагад өгөхгүй, бидний дэлгэсэн энэхүү мөрөөр хуулийн байгууллага шалгах ёстой гэж үзэж байгаа. Харин Ё.Сагсай прокурорын зүгээс нэр төрөө сэргээлгэхээр шүүхэд хандана гэж мэдэгдсэн боловч өнөөдрийн байдлаар хуулийн байгууллагад өргөдөл гаргаагүй байна. 25 сек-ийн бичлэгийн мөрөөр прокурорын зөвшөөрөлтэй цагдаагийн байгууллага шалгах ёстой ч мөн л ямар нэгэн ажиллагаа явуулаагүй байна. Ё.Сагсай өөрийн бусармаг үйлдлээ дарахын тулд гэмт этгээдийг сулласан уу, тухайн дуулиантай бичлэгийг хэн ямар зорилгоор хийв гэх мэт асуудлууд цаашаа хөврөх учиртай. Албан бус эх сурвалжийн өгч байгаа мэдээллээр нэгэн цагдаагийн хурандаа өөрийн төрсөн дүү цагдаагийн албан хаагч "А"-г суллах зорилготой ийм ажиллагаа зохион байгуулсан гэв