БҮЛЭГЛЭН ДЭЭРЭМ ХИЙДЭГ 13 ХҮНИЙГ ИЛРҮҮЛЭН БАРИВЧИЛЖЭЭ

Бусдын эд хөрөнгийг дээрэмдэх гэмт хэрэг үйлдсэн этгээдүүдийг энэ сарын 13-14-нд шилжих шөнө баривчлан шалгалтын үйл ажиллагаа явуулж байна. Тодруулбал, уг хэргийг үйлдсэн этгээдүүд нь 18-24 хүртэлх насны 13 хүнийг илрүүлэн баривчилжээ. Дээрх залуус нь бүлэглэн дээрэм хийдэг байсан нь тогтоогдоод байгаа юм.Тэд гэмт хэрэг үйлдэхдээ ихэвчлэн согтууруулах ундаа хэтрүүлэн хэрэглэж биеэ авч явах чадваргүй болсон, ганцаараа гэрэлтүүлэг, хяналтын камергүй газарт оройн цагаар яваа хүмүүсийг сонгон дээрмийн гэмт хэргээ үйлддэг байсан байна.Иймд иргэдийг согтууруулах ундааны зүйлийг тохируулан хэрэглэх, оройн цагаар болгоомжтой явах, баталгаат таксигаар үйлчлүүлэх зэргээр болзошгүй эрсдэлт өртөхөөс урьдчилан сэргийлэхийг цагдаагийн байгууллагаас анхаарууллаа