Ц.ЧИМЭДЦЭРЭН ТӨРИЙГ 13 ТЭРБУМААР ХОХИРООЧИХООД ХИЛ ДАВААД ЗУГТЖЭЭ

2008 оны 3 дугаар сарын 18-ны өдрийн Чингэлтэй дүүргийн анхан шүүхийн тогтоолд "…тус банкыг хувьчлагдахаас өмнө Ц.Чимэдцэрэн нарын учруулсан 13.5 тэрбум төгрөгийн хохирлыг Төрийн өмчийн хороонд, хувьчлагдсаны дараах 700 сая төгрөгийн хохирлыг шинэ худалдан авагч Хадгаламж банканд тус тус олгуулах…" гээд "…иргэний хуулийн 497, 498, 510 дугаар зүйлд зааснаар иргэний хариуцагч Төрийн өмчийн хорооноос 13.5 тэрбум төгрөгийг гаргуулж хохирогч Хадгаламж банкинд олгосугай" гэжээ. Банкыг луйвардсан уг хэрэгт 12 хүн оролцсон байдаг. Тэдгээрийн дотор Ц.Чимэдцэрэнгээс тухайн үед Хөвсгөл аймагт болсон УИХ-ын нөхөн сонгуульд пургон автомашин хандиваар авсан УИХ-ын гишүүн асан, одоогийн Ерөнхий сайд У.Хүрэлсүх байв. Ц.Чимэдцэрэн нь 2008 оны гуравдугаар сарын 18-нд Чингэлтэй дүүргийн шүүхээс 101.150.3 гэсэн зүйл заалтаар чанга дэглэмтэй хорих ангид 10 жилийн ял авчээ. Харин тэрээр арван жилийн ялаас дөрвөн жилийн ялыг биеэр эдэлсэн байна. Тодруулбал 2012 оны 12 дугаар сарын 09-нд өршөөлийн хуулиар 10 жилийн ялаас гурван жилийг хасч тооцсон бол дахин гурван жилийн ял завшиж суллагджээ. Энэ талаар Нийслэлийн шийдвэр гүйцэтгэх албаны дарга Р.Энхтайванаас тодруулахад шийдвэр гүйцэтгэх ажиллагааны нууц гэж мэдээлэл өгөхөөс цааргалав. Хуулийн байгууллагыг ажлаа хийхгүй ийнхүү янцаглаж байхад Ц.Чимэдцэрэн Монголоос оргон зайлаад дөрвөн жил болж байна. Уг нь Ц.Чимэдцэрэнг өр төлбөртэй гэх шалтгаанаар Нийслэлийн шийдвэр гүйцэтгэх газраас гадаадад зорчих эрхийг 2009 онд хаасан байдаг. Тэрээр 2015 оны 10-р сарын 17-нд Замын-Үүдийн боомтоор гарчээ. Харин түүний гэр бүлийн хүн болох "О" эх орондоо үлдсэн гэсэн мэдээллийг эх сурвалжууд өгч байна. Одоог хүртэл тэрээр Монголын хилээр орж ирээгүй бөгөөд Ц.Чимэдцэрэнгийн гадаад паспортын хугацаа 2018 оны 06-р сарын 23-нд дуусчээ. Зариг.мн та бүхэнд тун удахгүй мэдээллийг газар дээрээс нь шууд дамжуулж хүргэнэ.