АЛДАРТ ЭХИЙН ОДОНТОЙ НАЙМАН ЭЭЖИЙН ХУРИМЫН ЁСЛОЛЫГ ҮНЭ ТӨЛБӨРГҮЙ ХИЙЛЭЭ

Цахим орчинд идэвхитэй үйл ажиллагаа явуулдаг Группүүд цөөнгүй бий. Тэдний нэг бол Одонтой ээжүүд групп юм. Хариу нэхдэггүй сайхан сэтгэлтэй бүсгүйчүүд нийгмийн хариуцлагынхаа хүрээнд олон сайхан арга хэмжээнүүдийг зохион байгуулдаг. Харин тэд энэ удаад алдарт эхийн 1,2 дугаар одонтой 8 ээжийн хуримын ёслолын арга хэмжээг үнэ төлбөргүй хийж өгсөн гэнэ шүү. Гэрлэх ёслолын ордонтой хамтран энэхүү арга хэмжээг зохион байгуулсан юм. Гэрлэлтээ батлуулсан одонтой ээжүүдийн хамгийн залуу нь 28 настай ээж байна.

ГАЛ ГОЛОМТОО БАДРААЖ, ГЭРЛЭЛТЭЭ БАТЛУУЛСАН ХОСУУДАД "ALPHARD LUXURY CLUB"-ИЙН ЗАЛУУС ҮНЭ ТӨЛБӨРГҮЙ ҮЙЛЧИЛЛЭЭ

Үр хүүхдийнхээ өмнө хүлээсэн үүрэг хариуцлагаа ухамсарласан ирээдүйнхээ амьдралыг хамтдаа цогцлоож байгаа залуу гэр бүлийг дэмжих үүднээс гэрлэх ёслолын ордон гал голомтоо бадрааж байгаа хосуудынхаа хуримыг үнэ төлбөргүй хийж өгсөн юм. Харин шинэхэн хосуудад "ALPHARD LUXURY CLUB"-ийн залуус өөрсдөөс зардлаа гарган үнэ төлбөргүй үйлчилсэн гэнэ шүү. Нийт 700 гаруй гишүүнтэй тус клубын 25 залуучууд өөрсдийн машинаараа үйлчилсэн байна.