ЦАХИМ ТОГЛООМОНД ДОНТСОН ЗАЛУУ НОЙЛЫНХОО ӨРӨӨНД ӨӨРИЙГӨӨ ХЭРЦГИЙГЭЭР ХӨНӨӨЖЭЭ

Цахим тоглоомыг хэт олон цагаар тоглож улмаар донтож эхэлсэн иргэд огцом ууртай болох, биеэ хянах чадваргүй болох, сэтгэл гутралд өртөх гэх мэтчилэн тоочоод байвал маш олон сэтгэл зүйн өөрчлөлтүүд бий болж эхэлдэг байна.Манай улсын цахим хэрэглээ хэтэрхий хавтгайрч, бага насны болон өсвөр үеийнхэн хичээл хийхгүй чөлөө цагаа зөвхөн гар утас компьютертэй нөхөрлөн өнгөрөөх болжээ. Сэтгэл зүйчид цахим тоглоомонд донтогчдын тоо улам л өссөөр байгаа талаар анхааруулсаар байгаа ч эцэг эхчүүдийн анхааралд хүрэхгүй байсаар байгаа юм.

Хамгийн харамсалтай нь цахим тоглоомонд донтсон 26 настай залуу өөрийгөө егүүтгэсэн хэрэг гарчээ. Тодруулбал, хоёрдугаар сарын 25-ны өдөр Хан-Уул дүүргийн хоёрдугаар хороонд оршин суух эрэгтэй 26 настай иргэн өөрийгөөнхөө гарын судсыг ханаж, хоолойгоо боож нас барсан байжээ. Нас барсан залуу өдрийн 12:55 цагт өөрийгөө егүүтгэхийн тулд нойлынхоо өрөөнд гутлынхаа үдээс ашиглан хоолойгоо боосон гэх ба баруун гарын шууны доод хэсгийг зүсэж судсаа ханасан байсан аж.

Цагдаагийн алба хаагчид хэргийн газарт очиж шалгахад талийгаач гэртээ ганцаараа байсан гэх ба согтууруулах ундааны зүйл хэрэглэсэн байсан нь тогтоогдсон байна. Уг хэргийг Хан-Уул дүүргийн цагдаагийн гуравдугаар хэлтэст шалгаж байгаа бөгөөд талийгаач цахим тоглоомонд донтсон байсан нь илэрчээ.

СЭРЭМЖЛҮҮЛЭГ: Эцэг эхчүүд та бүхэн өөрийн бага насны, өсвөр насны хүүхдүүдэд ухаалаг утсыг хэт олон цагаар хэрэглүүлэхгүй байх, цахим тоглоом тоглохгүй байхыг өдөр бүр анхааруулах, чөлөөт цагаа хэрхэн өнгөрөөж байгааг нь тогтмол хянах зэргээр хуулийн өмнө хүлээсэн үүргийнхээ дагуу хараа хяналтай сайжруулахыг зөвлөж байна. Бага насны хүүхэд хэт олон цаг цахим тоглоом тоглож байгаа ажиглагдвал сэтгэл зүйчид хандаж зөвөлгөө авахыг анхааруулж байна

medee.mn